តើអ្វីទៅជា File, Folder និង Shortcut Icon?

 File, Folder និង Shortcut Icon

 

១. File (ឯកសារ)

·        គឺជា ទិន្នន័យ ឬការងារជាក់ស្តែង របស់អ្នក (ដូចជា អត្ថបទ, រូបថត, ចម្រៀង)។ បើលុបវាចោល គឺបាត់បង់ទិន្នន័យ។

·        កន្ទុយសម្គាល់ (File Extension)៖ ជាធម្មតាវាមានកន្ទុយនៅពីក្រោយឈ្មោះ ដើម្បីប្រាប់ពីប្រភេទរបស់វា (ឧ. .docx, .xlsx, .pptx, .pdf, .jpg)។

·        រូប Icon ជាក់លាក់៖ រូបរបស់វាគឺតំណាងឱ្យកម្មវិធីដែលបង្កើតវា (ឧ. បើជាឯកសារ Word គឺមានរូបអក្សរ W ពណ៌ខៀវ, Excel មានរូប X ពណ៌បៃតង)។

២. Folder (ថតឯកសារ)

·        គឺជា កន្លែងផ្ទុក សម្រាប់ដាក់ និងរៀបចំ File ឱ្យមានរបៀបរៀបរយ (ដូចជាកាតាប ឬទូដាក់អីវ៉ាន់) ។

·        ពណ៌លឿង (Yellow Icon)៖ នៅក្នុង Windows ទូទៅគឺមានរូបរាងដូចកាតាបឯកសារពណ៌លឿង។

·        គ្មានកន្ទុយ (No Extension)៖ ឈ្មោះរបស់វាគឺមានតែឈ្មោះសុទ្ធ គ្មានកន្ទុយសម្គាល់ដូចជា .docx ឬ .jpg នៅពីក្រោយឡើយ។

៣. Shortcut (ផ្លូវកាត់)

·        គឺជា ផ្លូវកាត់ ដើម្បីបើកកម្មវិធី ឬ File បានលឿន។ ចំណាំ៖ វាមានសញ្ញា ព្រួញកោងនៅកែង។ បើលុប Shortcut ចោល ឯកសារដើមមិនបាត់ទេ។

·        សញ្ញាព្រួញកោងតូច (Small Curved Arrow)៖ នៅជ្រុងខាងឆ្វេងផ្នែកខាងក្រោមនៃរូប Icon គឺដាច់ខាតត្រូវតែមានសញ្ញាព្រួញ (↗)។ បើមិនមានព្រួញទេ វាមិនមែនជា Shortcut ទេ។

·        ទំហំ (Size)៖ បើចុចមើល Properties គឺឃើញទំហំតូចខ្លាំង ត្រឹមតែ 1KB ទៅ 4KB ប៉ុណ្ណោះ ទោះបីកម្មវិធីដើមមានទំហំធំប៉ុណ្ណាក៏ដោយ។

Thank you!

by

Sing SeRey

Check More:

• https://www.facebook.com/singserey1203
• https://t.me/SingSeReyICTSupporter
• https://t.me/follow_us_here